आन्तरिक राजस्व विभागले मदिरामा टाँस्ने अन्तशुल्कको स्टीकर नक्कली बनाएर ल्याउने क्रम तीब्र भएपछि नेपालले भारत सरकारलार्इ कारवाहीका लागि पत्राचार गरेको हो।नक्कली स्टीकर काण्डमा अनुसन्धानको क्रममा पक्राउ परेका अभियुक्तहरुको बयानको अधारमा नाम गोप्य राखिएको भारतीय कम्पनीलाई माथिल्लो तहबाट अनुसन्धनको घेरामा ल्याउने पहल भएकोआन्तरिक राजस्व कार्यालय वीरगंजले जनाएको छ ।
नक्कली स्टीकर काण्डमा पक्राउ परेका ४ जना व्यक्तिहरुसँग ९ दिन देखि बयान लिने काम भइरहेको थियो,जुन बुधवार सकिएको छ ।केन्द्रीय अनुसन्धान ब्यूरो सिआइबीले यस पक्ररणमा पक्राउ गरी जिम्मा लगाएको पशुपति क्यारियरका कर्मचारी काठामडौको चन्द्रागिरि–१४ बस्ने पुष्कर दवाडीको बयान सकेर साधारण तारेखमा बुधवार छाडिएको आन्तरिक राजस्व कार्यालय वीरगंजका प्रमुख कोइरालाले बताए ।
दोश्रो चरणको बयानपछि यो प्रकरणमा थप तीन जनालाई पक्राउ गरी बयान लिनुपर्ने आवश्यकता देखिएको कोइरालाले बताए । पक्राउ परेकासँग बयान लिने काम सकिएको र आवश्यक परे ढुवानकर्ताहरुसँग पनि बयान लिन सकिने उनले बताए ।यसअघि स्टीकर आयातकर्ता कम्पनी हरिओम टे«डिङ प्रालिका संचालक कुलप्रसाद राजभण्डारी,सोही कम्पनीका सहयोगी बिराटनगरका प्रकाश घिमिरे, धादिङ धुनिबेसीका राजकुमार भण्डारी समेतको बयान पनि लिइ सकिएको छ ।
जाँचपासको क्रममा हिमालयन कार्गो ढुवानी कम्पनीका संचालक भारत रक्सौल निवासी वीरेन्द्र कुमार गुप्तास्टीकर सहित पक्राउ परेका थिए ।यो स्टिकर हरिओम ट्रेडिङ प्रालिले भारतबाट आयात गरेको थियो ।नेपाली मदिरा उद्योगको लागि आन्तरिक राजस्व बिभागले ग्लोबल टेण्डरबाट इण्डोनेशियाबाट मदिराको सक्कली स्टीकर ल्याउने गर्छ ।