काठमाडौँ।तीन महिनामा अनलाइनबाट हकप्रदमा आवेदन दिनेको संख्या १० हजार नाघेको छ।
गत तीन महिनामा खुलेका १४ कम्पनीमा हकप्रदमा १० हजार एक सय १० जनाले घरमै बसेर अनलाइनबाट आवेदन दिएका छन्। १४ कम्पनीमा सात करोड १७ लाख ५१ हजार रुपैयाँ बराबरको हकप्रदमा आवेदन परेको केन्द्रीय निक्षेप प्रणाली(सिडीएससी)ले जनाएको छ। सबैभन्दा बढी प्रभु बैंकका शेयरधनीले दुई करोड १८ लाख रुपैयाँ बराबरको हकप्रदमा अनलाइनबाट आवेदन दिएका छन्। सबैभन्दा कम प्रुडेन्सियल इन्स्योरेन्स कम्पनीमा ६ लाख ६ हजार रुपैयाँ बराबरको अनलाइनबाट आवेदन गरेका छन्।
सीडीएससीले गत मंसिरदेखि आफ्नो साइट मेरो शेयर मार्फत हकप्रदमा समेत अनलाइन आवेदन दिने व्यबस्था गरेको थियो। सिभिल बैंकले निष्कासन गरेको हकप्रद बाट सीडीएससीले अनलाइन आवेदन लिन सुरु गरेको हो।सीडीएससीले प्राथमिक र हकप्रद दुवैमा नलाइनबाट आवेदन दिने व्यबस्था गरेको छ।
प्राथमिक र हकप्रदमा अनलाइनबाट लगानीकर्ताले सिडीएससीले उपलब्ध गराएको मेरो शेयरमार्फत आवेदन दिन सक्छन्।मेरो शेयर बाट आवेदन दिन लगानीकर्ताले न्यूनतम ५० रुपैयाँ शुल्क तिरेर डिम्याट खाता खोलेको ठाउमा गएर मेरो शेयरको सुविधा लिनु पर्छ। मेरो शेयरको सुविधा लिएपछि लगानीकर्ताले आफ्नो खाता भएको बैंकबाट सीआरएन नम्बर लिनुपर्छ। मेरो शेयर र बैंकबाट सीआरएन नम्बर प्राप्त गरेपछि लगानीकर्ताले अनलाइनबाटै प्राथमिक र हकप्रदमा आवेदन दिन सक्छन्।
Company | Number of Application | Number Shares Applied |
Prudential Insurance Company Ltd. | 129 | 6642 |
Shree Investment and Finance Company Ltd. | 52 | 7092 |
Lumbini Bikas Bank Ltd. | 540 | 11198 |
Central Finance Ltd. | 169 | 11485 |
Gandaki Bikash Bank Ltd. | 244 | 17157 |
Pokhara Finance Limited | 3118 | 18816 |
Kamana Sewa Bikas Bank Ltd. | 517 | 19426 |
Neco Insurance Ltd. | 251 | 31151 |
SIDDHARTHA BANK LIMITED | 792 | 32549 |
Karnali Development Bank Ltd. | 153 | 45278 |
Shangrila Development Bank Ltd. | 336 | 74714 |
Green Development Bank Ltd. | 1132 | 105137 |
Civil Bank Ltd. | 939 | 118224 |
Prabhu Bank Ltd. | 1738 | 218644 |
Total | 10110 | 717513 |