काठमाडौं । क्लिन इनर्जी डेभलपमेन्ट बैंक नैतिक मूल्यमा आधारित रहेर कारोबार गर्ने कम्पनीको रुपमा सम्मान पाएको छ । ग्लोबल एलाएन्स फर बैकिङ अन भ्यालुजले बैंकलाई नैतिक मूल्यका आधारमा कारोबार गर्ने संसारकै १५ र एसियाको तेस्रो बैंकको रुपमा छनौट गरेको हो । यस्तो सम्मान पाउने नेपालको एक मात्रै बैंक हो ।नृेदरल्यान्ड सरकारको प्रमुख स्वामित्व रहेको युरोपकै सबैभन्दा ठूलो बहुपक्षीय बैंकमध्ये एक एफएमओ बैंकको वैदेशिक लगानी रहेको बैंकले स्वच्छ उर्जामा लगानी गर्ने नेपालको एक मात्रै निजी क्षेत्रको वित्तीय संस्था हो । सन् २००६मा स्थापित बैंकले १ सय ५५ मेगावाटका २६ जलविद्युत परियोजनामा लगानीको प्रतिवद्धता जनाइसकेको छ । बैंकले सन् २०१०मा नेपालको सर्वोत्कृष्ट डेभलपमेन्ट बैंक र पारदर्शीताका लागि २०११मा आइक्यानबाट बेस्ट प्रजेन्टेड एकाउन्टिङ अवार्ड प्राप्त गरेको थियो । बैंककी महाप्रवन्धक वर्षा श्रेष्ठले उर्जा विकासबाट सर्वसाधरणमा लाभ दिनु बैंकको प्रमुख लक्ष्य रहेको बताईन् ।
