काठमाडौं।तिहारमा मिठार्इका लागि अतिरिक्त पैसा छुट्याउनुपर्ने भएको छ।दूधको मूल्य बढेपछि अधिकांश मिठार्इको मूल्य बढेको छ।तीन महिना अघि दूधको मूल्य लिटरमा ६ रुपैयाँ बढेको थियो।

अधिकांश मिठार्इ दूधबाट बन्ने भएकोले मूल्यवृद्धि भएको हो।गत वर्षको भन्दा सबै मिठार्इको मूल्य किलोमै दुर्इ सय रुपैयाँसम्म बढेको छ।
कमलादीस्थित सजनगोठका व्यवस्थापक रामप्रसाद घिमिरेले सबै मिठार्इको मूल्य बढेको बताए।

‘दूधबाट बन्ने मिठार्इको मूल्य प्रतिगोटा दुर्इ रुपैयाँ मूल्य बढेको छ,उनले बिजमाण्डूसँग भने।घिमिरेका अनुसार रसवरी, लालमोहन, रसमलार्इ,  कलाकन्द, कालाजामुन, गुनचक्की लगायतका मिठार्इको मूल्य भने यथावत छ।दुधवरी, लड्डू, पेडा, काजु वर्फी, वर्फी लगायतका मिठाइहरुमा दुर्इ रुपैयाँ बढेको उनले बताए।

 संगम स्विट्सका व्यवस्थापक सुरेशबहादुरले भण्डारीले दूधबाट बन्ने मिठार्इ किलोको एक सयदेखि दुर्इसय रुपैयाँसम्म बढेको बताए।उनका अनुसार खुवासहितको मिठार्इ किलोको एक सय र काजुखुवा तथा काजुसहितको मिठाइको मूल्य किलोमा दुर्इ सय रुपैयाँ बढेको छ।