सौराहामा बाढी पस्यो, होटलहरु डुबानमा, पार्किङमा राखिएका कारसमेत बगायो




चितवन। चितवनको पर्यटकीय नगरी सौराहामा राप्ती नदी पसेको छ। राती ११ बजेदेखि बाढी पस्न सुरु गरेपछि सुरुमा नदी किनारको होटल, रेष्टुरेन्टहरु डुबाएको थियो।
 

पछि विस्तारै राप्तीको सतह बढेपछि सौराहाका दर्जन बढी पब रेष्टुरेन्टहरु समेत बाढीले डुबाएको छ ।राप्ती नदीको बाँध नाघेर सौराहामा बाढी पसेको हो। बाढीको कारण सौराहाको पब रेष्टुरेन्टमा पार्किङ्ग गरिराखेका कारहरु समेत बगाएको व्यवसायीहरुले बताएका छन्।
 
सौराहाको डुवानमा परेका होटलहरुले पर्यटकहरुलाई माथिल्ला कोठाहरुमा सिफ्ट गरिरहेका छन्।सौराहाका पर्यटन व्यवसायी जीत तामाङले राप्ती किनारको रेष्टुरेन्ट र  पब डुबाएको बताए। उनका अनुसार अहिले सौराहाको हात्ती चोकसम्म डुबानमा परेको  छ भने सौराहा नजिकका टोलहरुसमेत जलमग्न छ।
 
आर्मी ब्यारेक, ड्याम हुँदै मुख्य सौराहा लगायत खोला किनारमा रहेका सम्पुर्ण होटलहरुमा बाढी पसेको क्षेत्रीय होटल संघका अध्यक्ष सुमन घिमिरेले जानकारी दिए। उनका अनुसार पर्यटक र अत्यन्त महत्वपूर्ण वस्तुहरुलाई सुरक्षित स्थानमा सार्ने कार्य भइरहेको छ। पूर्व  सतर्कताका कारण मानवीय क्षति भने नभएको उनले बताए।
 
उता, पूर्वी चितवनको खैरहनी नगरपालिकाको हर्नरी,  बैरिया डुबानमा परेको छ । राप्ती नदीमा आएको बाढीका कारण खैरहनी नगरपालिका वडा नम्बर १३ हर्नरी  बैरिया डुबान पर्दा करिब १५० घर विस्थापित भएको हो।
 
बाढीका कारण  घरहरुमा ५ फिट पानी पसेको छ। बाढी आएपछि स्थानीयहरु सुरक्षित स्थानतर्फ लागेका छन्। घटनाको थप विवरण आउन बाँकी छ। फोटोहरु : विशाल/जितु तामाङ



Share this Story

   

सौराहामा बाढी पस्यो, होटलहरु डुबानमा, पार्किङमा राखिएका कारसमेत बगायो को लागी कुनै प्रतिक्रिया उपलब्ध छैन ।

नयाँ प्रतिक्रिया पोस्ट गर्नुस

HTML tags हरु सपोर्ट गरिदैन ।
( ई-मेल गोप्य राखिने छ)

[कृपया चित्रमा (क्याप्चामा) देखिएको जस्तै शब्द तल लेख्नुहोस । रिफ्रेश गर्नका लागि चित्रमा (क्याप्चामा) क्लिक गर्नुहोस । ]

Advertisements

Most Read


bizmandu

facebook     twitter
© Copyright 2012 Bizmandu Media Pvt. Ltd. All Rights Reserved.