snickers

सिद्धार्थ बैंकको सिइओमा शम्भुनाथ गौतम नियुक्त, ३० बर्षे बैंकिङ करियर, ऋण लगानीमा पायोनियर




काठमाडौं। सिद्धार्थ बैंकले प्रमुख कार्यकारी अधिकृतमा शम्भुनाथ गौतमलाई नियुक्त गरेको छ। गौतम डेपुटी प्रमुख कार्यकारी अधिकृत थिए।
 
बैंकको बुधबार बसेको सञ्चालक समितिले उनलाई आगामी चार बर्षका लागि प्रमुख कार्यकारी अधिकृत नियुक्त गरेको हो। गौतमले बिहीबारबाट औपचारिक रुपमा कार्यभार सम्हालेका छन्। 

दुई महिनाअघि सुरेन्द्र भण्डारीले सिद्धार्थ बैंक छाडेर कुमारी बैंक गएपछि गौतम कामु प्रमुख कार्यकारी अधिकृत भएका थिए। बुधबार सञ्चालक समितिले उनलाई प्रमुख कार्यकारीमा 'कन्फर्म' गरेको हो।
 
बैंकिङ क्षेत्रमा ३० बर्ष बिताएका गौतमले करियरको सुरुवात कृषि विकास बैंकबाट गरेका थिए। ऋण अधिकृतका रुपमा काम सुरु गरेका उनी यो क्षेत्रको बिज्ञ मानिन्छन्। उनले आजसम्म पनि ऋण लगानीको क्षेत्रमै काम गरिरहेका छन्।
 
कृषि विकास बैंकमा काम गर्नुअघि उनी नेपाल सरकारको सेवामा समेत थिए। विज्ञान पृष्ठभूमिका गौतमले सिद्धार्थ बैंकमा आएपछि एमबिए गरेका हुन्।
 
कृषि विकास बैंकमा एक बर्ष काम गरेपछि उनी नबिल बैंकमा डेपुटी म्यानेजरका रुपमा छिरेका थिए। त्यहाँ १४ बर्ष बिताएपछि गौतम संस्थापक कर्मचारीका रुपमा सिद्धार्थ बैंक छिरेका हुन्। सिद्धार्थमा उनले १५ बर्ष बिताइसकेका छन्।


Share this Story

   

सिद्धार्थ बैंकको सिइओमा शम्भुनाथ गौतम नियुक्त, ३० बर्षे बैंकिङ करियर, ऋण लगानीमा पायोनियर को लागी कुनै प्रतिक्रिया उपलब्ध छैन ।

नयाँ प्रतिक्रिया पोस्ट गर्नुस

HTML tags हरु सपोर्ट गरिदैन ।
( ई-मेल गोप्य राखिने छ)

[कृपया चित्रमा (क्याप्चामा) देखिएको जस्तै शब्द तल लेख्नुहोस । रिफ्रेश गर्नका लागि चित्रमा (क्याप्चामा) क्लिक गर्नुहोस । ]

Advertisements

Most Read


bizmandu

facebook     twitter
© Copyright 2012 Bizmandu Media Pvt. Ltd. All Rights Reserved.