यो अघिल्लो वर्ष भन्दा आठ अर्ब बढी हो।देशभरका १ सय १३वटा मालपोत कार्यालयले अघिल्लो आर्थिक वर्षमा १३ अर्ब मात्रै राजस्व संकलन गरेका थिए।घरजग्गा रजिष्ट्रेसन दस्तुर मात्रै १९ अर्ब ४२ करोड रुपैयाँ संकलन भएको छ। अन्य शुल्कमा एक अर्ब ५७ करोड रुपैयाँ संकलन भएको छ। जसमध्ये बागमती सभ्यताको लागि एक अर्ब ३० करोड रुपैयाँ संकलन भएको छ।
 

काठमाडौं मालपोतपछि ललितपुर मालपोत कार्यालयले ५७ करोड ७० लाख रुपैयाँ पूँजीगत लाभकर असुली गरेर दोस्रो नम्बरमा परेको छ। तेस्रो नम्बरमा कलंकी मालपोत कार्यालयले ४५ करोड ४३ लाख रुपैयाँ संकलन गरेको छ। सबै भन्दा धेरै लाभकर संकलन गर्ने मालपोत कार्यालयहरुमा क्रमश चावहिल ४० करोड, भक्तपुर ४ करोड ६४ लाख, चितवन २३ करोड, पोखरा १६ करोड ७९ लाख, मनमैजु १६ करोड ५८ लाख, कावासोती १५ करोड, रुपन्देही १४ करोड र बुटवलले १३ करोड रुपैयाँ पूँजीगत लाभकर संकलन गरेका छन्।

उपत्यकामा साँखु र टोखा मालपोत कार्यालयले १० करोड रुपैयाँ पूँजीगत लाभकर पुर्याउन सकेनन्। साँखुको ९ करोड ८१ लाख रुपैयाँ र टोखाको ७ करोड २२ लाख रुपैयाँ मात्र संकलन भएको छ।