टेलिकमका प्रमुख प्राविधिक अधिकृत लोचन अमात्यले रणनीतिक साझेदारको काम अन्तिम चरणमा पुर्याएको बताउँदै भारतको 'जियो' मोडलजस्तै एग्रेसिभ बजार विस्तार गर्ने दाबी गरे। ' तीन महिनाभित्र सवै सम्पत्ति तथा दायित्वको मूल्यांकन सक्ने कन्सल्टेन्ट कम्पनीले जानकारी दिएको छ' अमात्यले भने 'त्यसपछि हामी निशुल्क भ्वाइस र इन्टरनेट निशुल्क सक्छौं।'
उनले कम्पनीले काम सक्ने वित्तिकै नयाँ ढंगवाट काम अगाडि बढ्ने बताए। बजारमा जियोको निकै चर्चा भएको भन्दै उनले नेपालमा टेलिकमले नै रिलायन्स जियोको भूमिका निभाउने र ३० प्रतिशत रणनीतिक साझेदार भित्र्याएपछि नेपाल टेलिकम जियो मोडेलमा जाने बताए।
इन्टरनेट सोसाइटी नेपालले आयोजना गरेको कार्यक्रममा वर्ल्डलिंक कम्युनिकेसनका प्रमुख दिलीप अग्रवालले नेपाली बजारमा नयाँ टेलिकम प्लेयरको आवश्यकता भएको बताउँदै दुई कम्पनीको एकाधिकार तोड्न नयाँ कम्पनी आवश्यक रहेको बताए।कार्यक्रममा माइक्रोसफ्टका साउथ एसिया क्षेत्रका क्षेत्रीय डाइरेक्टर एलेन तुलाधरले शहरी क्षेत्रबाट ग्रामीण क्षेत्रमा इन्टरनेटको विकास र विस्तार गर्न सोच्नुपर्ने बताए।
अग्रवालले प्राधिकरणले ऐनले दिएको अधिकार प्रयोग गर्न नसकेको बताउँदै ऐन कार्यान्वयनमा चुकेको बताए। 'नयाँ फोरजी अपरेटर ल्याउन पर्छ र डाटा केन्द्रति भएर फोरजी ल्याएर निशुल्क इन्टरनेट दिनुपर्छ' अग्रवालले भने 'टेलिकम र एनसेललाई मूल्य घटाउन लगाउने एकमात्र उपाय यही नै हो।