काठमाडौं। अर्थतन्त्रमा आएको सुधारले देशको समग्र आर्थिक अवस्थामा सुधार आएसँगै सवारी साधनको बृद्धि पनि उच्च भएको छ।
राष्ट्र बैंकले आफ्ना कार्यालय रहेका काठमाडौं, विराटनगर, जनकपुर, वीरगञ्ज, पोखरा, सिद्धार्थनगर, नेपालगञ्ज र धनगढ वरिपरी रहेका ५७ वटा जिल्लालाई आधार मानेर गरेको अध्ययन अनुसार सवारी साधनको दर्ता १७ प्रतिशतले बढेको छ।
मोटरसाइकलको संख्यामा १७.१ प्रतशितले बढोत्तरी भएको छ भने अन्य सवारी साधनको संख्या १६.८ प्रतिशतले बढेको छ। राष्ट्र बैंकका अनुसार मोटर साइकलको संख्या २२ लाख ५२ हजार ६४१ पुगेको छ भने अन्य सवारी साधनको संखया ६ लाख ४ हजार १३५ पुगेको छ।
भुकम्पलगत्तैको नाकाबन्दिका कारण गाडी तथा मोटरसाइकल किन्नेहरु घटेका थिए। नाकाबन्दी हटेसँगै बैंक ब्याज दर पनि ह्वात्तै घटेपछि गाडीमा सर्वसाधारणको आर्षण बढेको थियो। गाडीको ब्याज दर साढे ६ प्रतिशतसम्म आएको थियो।
यही कारण गाडीको संख्या बृद्धि भएको हो। बैंकहरुले गाडी धितोमा ९५ प्रतिशतसम्म ऋण उपलब्ध गराउँदै आएका थिए।