विराट एक्स्पोमा उडान गर्ने माउन्टेन फ्लाइटका सबै टिकट बिके,उडान थप गर्ने तयारी

बिजमाण्डू
२०७३ फागुन १२ गते २१:३२ | Feb 23, 2017
विराटनगर ।विराट एक्स्पोका उपलक्ष्यमा यति एयरले विराटनगरबाट तीन दिन सञ्चालन गर्ने माउन्टेन फ्लाइटका सबै टिकट विक्री भएका छन् ।
 
माउन्टेन फ्लाइटका संयोजक एवम् पर्यटन व्यवसायी भवीश श्रेष्ठले यही फागुन १४, १५ र १६ गरी तीन दिनसम्म बिहान ९ बजेदेखि सञ्चालन गरिने हिमाली उडानका सबै टिकट विक्री भइसकेको जानकारी दिए।
 
उद्योग सङ्गठन मोरङको आयोजनामा यही फागुन ११ देखि १७ गतेसम्म विराट एक्स्पोको आयोजना भइरहेको छ ।काठमाडौंबाट एक नेपालीका लागि १२ हजार रुपैयाँ पर्ने माउन्टेन फ्लाइटको भाडा विराटनगरबाट ९ हजारमात्र राखिएको छ । एक उडानमा २० यात्रु राखेर रोमाञ्चक माउन्टेन फ्लाइट सञ्चालन गरिँदैछ । 
 
‘उडान थप गर्ने विषयमा हामी यति एयरसित कुरा गर्दैछौँ’, संयोजक श्रेष्ठले भने, ‘हिमाली उडानका लागि इच्छुकको सङ्ख्या बढिरहेको छ ।’पूर्वका पर्यटन व्यवसायीले विराटनगरबाट माउन्टेन फ्लाइट सञ्चालन गर्न धेरै अगाडिदेखि माग गरेको बताउँदै श्रेष्ठले राजधानीबाट भन्दा विराटनगरबाट यो उडान छिटो र सहुलियतपूर्ण हुने दाबी गरे ।

Tata
GBIME
Nepal Life

राजधानीबाट ६५ मिनटमा पूरा हुने माउन्टेन फ्लाइट विराटनगरबाट ५० मिनटमा हुन्छ।विराटनगरबाट माउन्टेन फ्लाइट सुरु गर्ने हो भने भारतको कोलकाता र पटनासम्मका पर्यटकलाई आकर्षित गर्न सकिने श्रेष्ठले बताए ।
 

दुई महिनापछि पूर्वका पर्यटन व्यवसायी भारतका विभिन्न शहर गएर नेपालको पर्यटकीय आकर्षणका बारेमा प्रचार गर्ने कार्यक्रम रहेको उनले जानकारी दिए ।