काठमाडौँ। भारतको धितोपत्र बजारका बिज्ञहरुले नेपाल धितोपत्र बोर्डका कर्मचारीहरुलार्इ बजार नियमन तथा सुपरिवेक्षणबारे तालिम दिएको छ ।
भारतीय धितोपत्र बजारको नियमन निकाय भारतीय प्रत्याभूति तथा विनिमय बोर्ड (सेवी)का महाप्रबन्धक बि.एन.साहूको नेतृत्वमा आएको तीन सदस्यीय विज्ञ टोलीले बोर्डका ३५ जना कर्मचारीहरुलाई तालिम दिएको बोर्डले जनाएको छ ।
बोर्डमा हालै कर्मचारी थप गरेकोले उक्त जनशक्तिलाई प्रशिक्षित गरी क्षमता अभिवृद्धि गर्ने उद्देश्यले बोर्डकै अनुरोधमा भारतीय विज्ञहरु नेपाल आएको बोर्डले जनाएको छ ।
बोर्डका अनुसार धितोपत्र बजारको संरचना, नियमन तथा सुपरिवेक्षण विधि, नियमन निकायको सांगठनिक संरचना लगायतका विषयमा विज्ञ समूहले तीन दिनसम्म तालिम दिएको हो ।