निगमका महाप्रवन्धक सुगतरत्न कंशाकारले प्राविधिक समितिको सिफारिस अनुमोदन गरेपछि जहाज खरीदको बाटो खुलेको बताए।यो अनुमोदनपछि निगमले अमेरिकी कम्पनी एएआरसँग एयरबसका दुईवटा वाइडबडी जहाज ‘ए ३३०-२००' किन्ने पक्का भएको हो।

निगमले गत असोजमा गरेको टेन्डरमा सबैभन्दा सस्तो र चाँडो जहाज उपलब्ध गराउने प्रस्ताव यही कम्पनीले गरेको थियो। यो कम्पनीले करिब ११ अर्ब २८ करोड रुपैयाँमा जहाज बिक्रीको प्रस्ताव गरेको थियो। कम्पनीले चैत भित्रै जहाज उपलब्ध गराउने प्रतिबद्धता समेत जनाएको छ। नयाँ वर्षमा नयाँ जहाज आउनेछ।