नाफा घटेपछि ग्यास उद्योगी र बिक्रेताबीच चर्कियो विवाद, बुटवलका उपभोक्ता मारमा




लुम्बिनी । ग्यास उद्योगले आफूलाई दिँदै आएको सहुलियत दर घटाएको भन्दै यहाँका ग्यास बिक्रेताले आन्दोलन गरेपछि उपभोक्ता मारमा परेका छन्।
 

बिक्रेताको आन्दोलनका कारण ग्यासको अभाव भएको छ। नेपाल आयल निगमले तराई र पहाडी जिल्लाको मूल्यमा एक रुपता ल्याउने गरी मूल्य निर्धारण गरेपछि बिक्रेता उद्योगले सहुलियत रकम घटाएको भन्दै आन्दोलन थालेका हुन्।
 
आयल निगमले गत पुस १९ गते राति १२ बजेदेखि लागू हुनेगरी ग्यासको उपभोक्ता मूल्य निर्धारण गरेको थियो। तराईका बाँके, बर्दिया, कैलाली र कञ्चनपुरमा ग्यास सिलन्डरको खुद्रा मूल्य रु एक हजार २७५ र तराईका अन्य जिल्लामा रु एक हजार ३०५ कायम गरेको छ।
 
नेपाल आयाल निगमको केन्द्रीय कार्यालय बबरमहलले क्षेत्रीय कार्यालय भलबारीलाई जारी गरेको एलपी ग्यासको मूल्य समायोजन बारेको सूचनामा रुपन्देहीसहित तराईका अन्य जिल्लामा रु एक हजार ३२५ बाट घटाएर रु एक हजार ३०५ कायम गरिएको छ। अन्य पहाडी जिल्लामा भने मूल्य यथावत् राखिएको जनाएको छ।
 
व्यवसायीले आयल निगमले उपभोत्ता मूल्य घटाएकोमा स्वागत गर्दै उद्योगले दिँदै आएको सहुलियत रकम पहिलाकै अवस्थामा नदिँदासम्म आन्दोलन नरोकिने बताएका छन्। ग्यास उद्योगले पुस १९ गतेसम्म प्रतिसिलिन्डर रु ५० सहुलियत रकम दिँदै आएकोमा रु ३२ मात्रै दिने गरी विलिङ गरेको ग्यास बिक्रेता सङ्घका जिल्ला अध्यक्ष वसन्त गौचनले बताए।
 
ग्यास उद्योगीले भने सरकारले ग्यास बिक्रेताका लागि भनेर रु ३२ मात्रै रकम छुट्टयाएकाले रु ५० दिन नसकिने बताएका छन्। रुपन्देही, कपिलबस्तु, नवलपरासी र पाल्पाका बिक्रेताले यहाँका उद्योगबाट ग्यास सिलिन्डर उठाएका छैनन्।
 
सिद्धार्थ ग्यास उद्योगका व्यवस्थापक सुशील नेपालले रु ३२ भन्दा बढी रकम दिन नसकिने बताए। 'सरकारले ढुवानी दर घटाए मात्रै बिक्रेताको माग पूरा गर्न सम्भव छ,' उनले भने।
 
पञ्चमहालक्ष्मी ग्यास उद्योगका व्यवस्थापक महेश पोखरेल एक सातायता बिक्रेताले ग्यास नलगेको बताउँछन्।

Share this Story

   

नाफा घटेपछि ग्यास उद्योगी र बिक्रेताबीच चर्कियो विवाद, बुटवलका उपभोक्ता मारमा को लागी कुनै प्रतिक्रिया उपलब्ध छैन ।

नयाँ प्रतिक्रिया पोस्ट गर्नुस

HTML tags हरु सपोर्ट गरिदैन ।
( ई-मेल गोप्य राखिने छ)

[कृपया चित्रमा (क्याप्चामा) देखिएको जस्तै शब्द तल लेख्नुहोस । रिफ्रेश गर्नका लागि चित्रमा (क्याप्चामा) क्लिक गर्नुहोस । ]

Advertisements

Most Read


bizmandu

facebook     twitter
© Copyright 2012 Bizmandu Media Pvt. Ltd. All Rights Reserved.